مميزات الثورة المصريه محليا

انا هتكلم هنا عن مميزات الثورة المصريه من وجهه نظرى الشخصيه ممكن حد يختلف معايا فى الراى او يعارضنى عادى بس دى وجهه نظرى

مميزات الثورة محليا

المسلمين والمسيحيين بقوا يد واحدة بجد بيفدوا بعض بالدم والروح صهرتهم مع بعض ضد اى حد يسحاول يفرق بينهم وبين وطنهم الغالى مصر

الشباب اظهروا قوة جبارة ما كانشى اى حد يقدر انه يتوقع انهم هيصمدوا بيها قصاد قتله ومجرمون مدربون على القتل بدماء بارد
الشباب اثبتوا ايضا وعى سياسى عالى وانهم ليسوا مغيبين او "عيال مايصه " كما كان للاسف متعارف عليه سواء من جانب الحكومه او الاعلام المصرى المتخلف بتاعنا

الاخوان المسلمين لاول مرة يظهر دورهم ايجابى واضح ومتميز فى الساحه السياسيه متمثلا فى
مدافعتهم عن الشباب فى موقعه الجمل ومساندتهم لهم ضد البغال والحمير والقتله ومصاصين الدماء الذين ارسلهم النظام الديكتاتورى عليهم
لاول مرة يشعر الشعب المصرى بوطنيه الاخوان ودورهم المتميز فى السياسه المصريه وربما رجع هذا نظرا لما عانوة من قهر وظلم على يد النظام الديكتاتورى الذى كنا نعيش به

الشعب المصرى
انا اسفه فى اللى هقوله لكننا كنا كالاحياء الاموات جسد بلا روح ولا مستقبل لااى كرامه كانت لينا سواء على المستوى بيننا وبين بعضنا البعض او بينا وبين دول المنطقه وساتكلم عن مزايا الثورة عالميا لاحقا
كل واحد مصرى حس بعد الثورة انه انسان وان رايه مهم وممكن يغير شىء ولو بسيط لاول مرة نحس اننا ادمين ولسنا بهائم تساق كالحيوانات
استشرى الفساد بين العباد والرشوة والمحسوبيه والفساد الخلقى والرزيله بسبب النظام القديم لكن بعد الثورة رجعت القيم الاصيله الموجودة داخل كل مصرى مثل ان كل واحد فينا يحب التانى ونخاف على بعض ونحمى بعض بدمنا لو حد حب يقرب مننا
الشهامه القوة الشجاعه صفات كنا نسيناها الحمد لله رجعت لينا

الشرطه للاسف كل ظابط او مسئول كان بالنظام اسغفرك ربى كان مفكر نفسه اله ومش عاجبه حد ويا اما تدفع المعلوم يا اما تاخد بالشوم على دماغك لحد ما يبان لك صاحب
طبعا بعد الثورة هذة الصورة انكسرت وبقه من حقنا اننا نحاسب اى حد فلا صوت يعلو فوق صوت القانون من اول راس الدوله والظبط والوزراء لاصغر حد بالدوله
لاول مرة نحس بالمساواة الحقيقيه وان مفيش وزير احسن من غفير كلنا بنشتغل علشان الشعب المصرى وعلشان نساعد بعض لاننا فى مجتمع واحد

رئيس الدوله انكسرت صورة بابا حبيبى اللى لازم اعمل كل اللى هوة عاوزة من غير حتى ما انطق ولا ليه الحق حتى ان اتكلم او اناقشه ولو قلى موت مش مهم اهم حاجه اسمع الكلام واقول حاضر وطيب وبس
اصبح من حقنا اننا نواجه الرئيس مش بصفته رئيس لا بصفته موظف شغال عند الشعب ومن حق الشعب المصرى انه يحاسبه او يحاكمه اذا اخطا